قومی اسمبلی کی مخصوص نشستوں پرمریم اورنگزیب، حنا ربانی کھر، شائستہ پرویز سمیت دیگر کے کاغذات نامزدگی منظور کر لئے گئے ۔وفاقی دارالحکومت اسلام آباد سمیت ملک بھر سے جنرل اور مخصوص نشستوں پر کاغذات نامزدگی کی جانچ پڑتال کا سلسلہ جاری رہا ۔قومی اور صوبائی اسمبلی کی خواتین کی مخصوص نشستوں پر مسلم لیگ(ن)اور پیپلزپارٹی کے امیدواروں کی سکروٹنی کی گئی ۔قومی اسمبلی کی مخصوص نشست پرمریم اورنگزیب، حنا ربانی کھر سمیت لیگی رہنما شائستہ پرویز جبکہ صوبائی مخصوص نشستوں پرعظمیٰ بخاری،حنا پرویز بٹ اور ذکیہ شاہنواز کے کاغذات منظور کرلئے گئے۔