بھارتی شہربنگلورمیں پریس کانفرنس کے دوران ہارون لورگاٹ کا کہنا تھا کہ ہماری کوشش ہے کہ آئندہ اس طرح کا کوئی ناخوشگوار واقعہ پیش نہ آئے۔ ان کا کہنا تھا کہ کوشش کے باوجودتمام شائقین کرکٹ کو ٹکٹوں کی فراہمی مشکل ہے۔ ہارون لوگارٹ نے بتایا کہ آئندہ میچوں کے لیےبیلٹ سسٹم کے ذریعے ٹکٹیں دی جائیں گی،یہ بہت آسان طریقہ ہے اور اس کے ذریعے کسی قسم کے جسمانی خطرے کا امکان بھی کم ہوجاتا ہے۔ انہوں نے کہا کہ میچوں کے لیے مہیا کی جانے والی سیکیورٹی پر انہیں تحفظات ہیں۔