لاہور ( کلچرل رپورٹر) پنجاب انسٹیٹیوٹ آف لینگوئج، آرٹ اینڈ کلچر لاہور کے تحت نئی گلوکارہ نادیہ سلیم کی پہلی آڈیو ویڈیو البم ”پنگھٹ“ کی افتتاحی تقریب منعقد ہوئی۔ ہدایتکار، فلم ساز سیدنور اور حاجی مرشد اللہ رکھا نے فیتا کاٹ کر افتتاح کیا۔ تقریب میں عدیل برکی، ڈاکٹر نذیر چودھری، سجاد بری سمیت مختلف شعبہ ہائے جات کی نمایاں شخصیات نے شرکت کی۔ ڈاکٹر صغرا صدف ڈائریکٹر پلاک نے کہا کہ ادارہ نئے گلوکاروں کی حوصلہ افزائی کا سلسلہ جاری رکھے گا۔