نارووال: سلنڈر پھٹنے سے ویگن میں آگ لگ گئی، 12افراد جھلس کر شدید زخمی

مرید کے (نامہ نگار) سلنڈر پھٹنے سے مرید کے نارووال روڈ پر ویگن میں آگ لگ گئی۔ 12افراد جھلس کر شدید زخمی ہو گئے۔ تفصیل کے مطابق نارووال سے آنے والی ٹویوٹا ویگن جب ڈالہ واہگہ کے قریب پہنچی تو اس میں اچانک آگ بھڑک اٹھی جس سے 12افراد جن میں 4 خواتین اور 8 مرد تھے جھلس گئے۔ 6زخمیوں کی حالت نازک ہے۔ زخمیوں کو میو ہسپتال پہنچا دیا گیا ہے۔ واضح رہے نارووال روڈ شدید ٹوٹ پھوٹ کا شکار ہے جس کی وجہ سے حادثات معمول بن چکے ہیں۔ مذکورہ ویگن کا تیزرفتاری کی وجہ سے جمپ لگنے سے سلنڈر پھٹ گیا جس سے آگ لگی۔