مسلم لیگ ن کے سربراہ میاں نواز شریف ایک روزہ دورے پرآج کراچی پہنچ رہے ہیں، وزیراعلٰی پنجاب شہبازشریف اورچوہدری نثاربھی ان کے ہمراہ ہونگے۔

مسلم لیگ ن کے سربراہ میاں نواز شریف اپنے دورے کے دوران مسلم لیگ فنکشنل کے سربراہ پیر پگارا سے ظہرانے میں ملاقات کریں گے، اور دونوں جماعتوں کے درمیان سیاسی اور انتخابی اتحاد پر تبادلہ خیال کیا جائے گا۔ میاں نواز شریف سابق اسپیکر قومی اسمبلی الہی بخش سومرو سے ان کے بیٹے کے انتقال پر بھی تعزیت کریں گے۔ جبکہ جماعت اسلامی کے سابق نائب امیرپروفیسر غفور احمد کے انتقال پر ان کے اہل خانہ سے ان کی رہائش گاہ پر تعزیت کریں گے۔