کراچی میں فائرنگ اورپرتشدد واقعات میں دوافراد جاں بحق ہوگئے۔

پولیس کے مطابق ائیرپورٹ کے علاقے چھوٹا گیٹ سے ایک شخص کی تشدد زدہ لاش برآمد ہوئی، مقتول کی شناخت ونود کے نام سے کی گئی ہے، پولیس نے واقعہ کوذاتی دشمنی قراردیا، ادھربلدیہ ٹاؤن سعید آباد میں نامعلوم افراد کی فائرنگ سے ایک شخص جاں بحق ہوگیا تاہم مقتول کی شناخت نہیں ہوسکی، پریڈی تھانہ کی حدود میں بھی فائرنگ سے عمران نامی شخص زخمی ہوگیا، دوسری جانب ایسٹ اور ویسٹ زون پولیس نے گزشتہ چوبیس گھنٹوں کے دوران شہر کے مخلتف علاقوں میں کارروائی کرتے ہوئے ایک سو بائیس ملزمان کوگرفتارکرکے ان کے قبضے سے اسلحہ برآمد کرلیا۔