قصور ، کھڈیاں خاص (نمائندہ نوائے وقت+نامہ نگار) نواحی گائوں سنگل والا کھوہ میں کتے کی لڑائی میں جھگڑے پر فائرنگ سے ایک شخص کو قتل کردیا گیا۔ مقتول اسلم اور ملزمان فہیم اور بگن کے درمیان اسلم کے کتے کی وجہ سے لڑائی ہوئی تاہم اہل علاقہ نے انکی صلح کرا دی مگر ملزمان فہیم اور بگن دوبارہ واپس آئے اور فائرنگ کرکے اسلم کو قتل کرکے فرار ہوگئے۔ پولیس نے نعش قبضے میں لیکر پوسٹ مارٹم کیلئے ہسپتال منتقل کرکے ایک ملزم فہیم کو گرفتار کرلیا ہے۔