آ رمی چیف جنرل قمر جاوید باجوہ سے ایرانی فضائیہ کے کمانڈر بریگیڈیئر جنرل حسن شاہ صفی نے ملاقات کی ہے،جس میں پیشہ ورانہ امور پر تبادلہ خیال کیا گیا۔پاک فوج کے شعبہ تعلقات عامہ (آئی ایس پی آر )کے مطابق آرمی چیف جنرل قمر جاوید باجوہ سے ایرانی فضائیہ کے کمانڈر بریگیڈیئر جنرل حسن شاہ صفی نے جی ایچ کیو راولپنڈی میں ملاقات کی ،جس میں پیشہ ورانہ امور پر تبادلہ خیا ل کیا گیا ۔واضح رہے کہ ایرانی ایئر چیف مارشل اپنے پاکستانی ہم منصب ایئر چیف مارشل سہیل امان کی دعوت پر پاکستان کے دورے پر آئے ہیں۔بریگیڈیئر جنرل حسن شاہ صفی کا یہ دورہ، پاک ایران عسکری و دفاعی قیادت کے درمیان وفود کے تبادلوں کے سلسلے کی ہی ایک کڑی ہے۔اس دورے کے دوران وہ نہ صرف اپنے ہم منصب بلکہ دیگر عسکری شخصیات سے بھی ملاقات کریں گے۔ایران کے اینٹی نارکوٹک بورڈ کے سربراہ بریگیڈیئر محمد مسعود زاہدیان بھی پاکستان کے دورے پر اسلام آباد پہنچے ہیں جو اپنے پاکستانی ہم منصب مسرت نواز ملک سے مختلف امور پر تبادلہ خیال کریں گے۔وہ اپنے دورے کے دوران پاکستان میں انسداد جرائم و انسداد منشیات سے متعلق اقوام متحدہ کے دفتر کے سربراہ سے بھی ملاقات کریں گے۔