لاہور (سپورٹس ڈیسک)جنوبی افریقہ کے کپتان فاف ڈوپلیسی نے کہا ہے کہ سری لنکا کے ہاتھوں 2-0سے شکست ہمارے لیے بڑا جھٹکا ہے ۔ جنوبی افریقہ کے کپتان کا کہنا تھا کہ اپنی سر زمین پر سیریز ہارنا ٹیم کے اعتماد کے لیے بڑی ضرب ہے ۔ان کا کہنا تھا کہ میں سوچ رہا تھا یہ سیریز ہمارے لیے بہترین ہو گی لیکن جس طرح سے ہم یہ سیریز کھیلے وہ اچھا نہیں تھا۔ہم نے سری لنکا کو کافی ہلکا لیا جس کا خمیازہ ہمیں بھگتنا پڑا جس کا ہمیں افسوس ہے ۔حریف ٹیم نے اچھی کارکردگی کا مظاہرہ کیا اور ہمیں کھیل کے تمام شعبوں میں آئوٹ کلاس کردیا ۔ ہمارے بلے بازوں اور بائولرز نے وہ کارکردگی نہیں دکھائی جس کی توقع کی جارہی تھی ۔ غلطیوں سے سیکھ کر آگے بڑھنا ہو گا۔