پاک فوج ہمارافخر‘دشمن کی ہرسازش ناکام بنا دے گی:ڈاکٹر راغب نعیمی

ؒٓلاہور (خصوصی نامہ نگار) دارالعلوم جامعہ نعیمہ کے ناظم اعلیٰ علامہ راغب نعیمی حسین نے کہا ہے کہ پاک فوج ہمارا فخر ہے، دشمن کی ہر سازش کو ناکام بنا دے گی۔ پاکستانی قوم متحد اور پرعزم ہے۔ مودی کا جنگی جنون بھارت کو لے ڈوبے گا۔ معاشرے کو شدت پسندی سے بچانے کیلئے پیغام پاکستان کو اپنانے، پھیلانے کی ضرورت ہے۔ ان خیالات کا اظہار انہوں نے گزشتہ روز جامعہ نعیمیہ کے زیر اہتمام ڈاکٹر سرفراز نعیمی شہید ریسرچ انسٹی ٹیوٹ میں پیغام پاکستان آگاہی مہم کے افتتاحی سیشن سے خطاب کرتے ہوئے کیا۔ ہفت روزہ آگاہی مہم کے دوران تقریبات، سیمینار کا انعقاد کیا جائے گا جس میں 2 ہزار سے زائد طلباء و طالبات اور 100 سے زائد اساتذہ کو پیغام پاکستان سے روشناس کروایا جائے گا۔آج جامعہ اشرف جمال ،کل جامعہ فاطمیہ مغلپورہ، یکم مارچ جامعہ مرکز اسلامی،دومارچ جامعہ شہابیہ اچھرہ، تین مارچ ڈاکٹرسرفراز نعیمی ریسرچ انسٹی ٹیوٹ، 4مارچ جامعہ نعیمیہ 5مارچ جامعہ سراجیہ برائے طالبات مغلپورہ آگاہی سیمینار منعقدکئے جائیں گے۔