اوکاڑہ: اوکاڑہ کےقریب منگل کی شب تیزرفتار ٹریلر کی کار سے ٹکر کے نتیجے میں کم از کم دو افراد جاں بحق ہوگئے۔
 دیپال پور اوکاڑہ روڈ  40 ڈی کے قریب تیز رفتار ٹرالہ کار کے اوپر چڑھ گیا ۔جس کے نتیجے میں دو افراد جاں بحق ہوگئے ۔
ریسکیو حکام کے مطابق حادثے میں ایک خاتون سمیت دو دیگر افراد شدید زخمی ہوگئے۔ تفصیلات کے مطابق حادثہ اتنا شدید تھا کہ متاثرین طبی امداد ملنے سے قبل ہی موقع پر ہی دم توڑ گئے۔ بدقسمت کار اوکاڑہ سے دیپال پور جارہی تھی۔اطلاع ملنے پر پولیس اور ریسکیو ذرائع موقع پرپہنچ گئے اور لاشوں اور زخمیوں کو اسپتال منتقل کردیا۔