جیمز نیشم کے اوور نے بازی پلٹ دی، دوسرا ٹی ٹوئنٹی بھی کیویز کے نام

 ملتان (سپورٹس ڈیسک) میزبان نیوزی لینڈ نے ہائی اسکورنگ ٹی ٹوئنٹی میچ میں کینگروز کو 4 رنز سے شکست دیتے ہوئے سیریز میں 0-2 کی برتری حاصل کرلی ہے۔نیوزی لینڈ کو آسٹریلیا نے بیٹنگ کی دعوت دی۔ کپتان کین ولیمسن اور مارٹن گپٹل نے شراکت میں برق رفتار 131 رنز بنائے۔گپٹل 97 رنز بناکر آؤٹ ہوئے، مارٹن گپٹل نے آٹھ بلند وبالا چھکے بھی لگائے۔نیوزی لینڈ نے مقررہ بیس اووز میں سات وکٹوں کے نقصان پر 219 رنز بنائے، کین ولیمسن نے 53 ،جیمس نیشم نے 16 گیندوں پر 45 رنز کی شاندار اننگز کھیلی۔ جواب میں کینگروز نے ہدف کے تعاقب کے لئے جارحانہ انداز اپنایا، مگر کیوی بولرز کی عمدہ کارکردگی کے باعث آسٹریلیا بڑی پارٹنر شپ قائم نہ کرسکا، اور اس کے کھلاڑی پویلین لوٹنے لگے۔بیٹنگ کے بعد بولنگ میں جمی نیشم نے بہترین کارکردگی دکھائی اور آخری اوورز میں آسٹریلیا کے دو کھلاڑیوں کو آؤٹ کرتے ہوئے میچ کو کیویز کی جھولی میں ڈال دیا۔