اسلام آباد ( نیوز ڈیسک) ہاشو گروپ ہنزہ کی خوبصورت وادی میںجلد ہی نصیرآباد کے مقام پرپی سی لیگیسی کا آغاز کریگا۔ پی سی لیگسی فائیو اسٹار اور منتخب سروس ہوٹلوں کے مابین سیاحوں کیلئے سہولت کار ہوگا۔اس سلسلے میں گذشتہ روزاسلام آباد میریٹ ہوٹل میں پاکستان سروسز لمیٹڈ اور لنکڈ انٹرنیشنل پرائیوٹ لمیٹڈ کے مابین ایک معاہدہ ہوا۔وزیر اعظم کے نظریے کے مطابق، ہمارا مقصد پاکستان کے شمالی علاقوں میں ہوٹلوں کا سلسلہ پائیدار معشیت کی بنیاد ہوگا۔ ہاشو گروپ کے ڈپٹی چیئرمین اور سی ای او مرتضیٰ ہاشوانی نے کہا کہ ہماری توجہ ہمیشہ رہے گی کہ ہم پاکستان کی انتہائی خوبصورت مقامات پر آنے وا لے سیاحوں کیلئے جدید ترین سفر اور قیام کی سہولیات فراہم کرکے علاقائی سیاحت کو فروغ دیں  ۔  فیصل ساوانی ڈائریکٹر  لنکڈ انٹرنیشنل پرائیوٹ لمیٹڈ نے کہا، ''ہمیں ہوٹلوں کے ایسے معروف گروپ کے ساتھ شراکت کرنے پر فخر ہے '' حسیب گردیزی، چیف آپریٹنگ آفیسر ہاسپیٹلٹی ڈویژن ہاشو گروپ اور محبوب بھولانی، لنکڈ انٹرنیشنل پرائیوٹ لمیٹڈنے معاہدے پر دستخط کئے۔