کراچی (اسپورٹس رپورٹر) پاکستان سپرلیگ(پی ایس ایل )سیزن6میں ایک دن آرام کے بعدجمعہ کو2میچز کھیلے جائیں گے۔تفصیلات کے مطابق پی ایس ایل سیزن 6میں ایک دن آرام کے بعد جمعہ کو 2میچز کھیلے جائیں گے۔پہلا میچ  لاہور قلندرز اور ملتان سلطانز کے مابین جبکہ دوسرا میچ  پشاور زلمی اور کوئٹہ گلیڈی ایٹرز کے مابین نیشنل سٹیڈیم میں کراچی میں کھیلا جائے گا۔ابتک کھیلے گئے میچز میں  ملتان سلطان اور کوئٹہ گلیڈی ایٹرز کی ٹیمیں اپنے دونوں میچز ہار چکی ہیں جبکہ پشاور زلمی  اور کراچی کنگز نے ایک  ایک میچ جیتا اور ایک میں اسے شکست کا سامنا کرنا پڑا۔لاہور قلندرز اور اسلام آباد یونائیٹڈ  اپنے دونوں میچز جیتنے میں کامیاب رہیں۔پوائنٹس ٹیبل پر لاہور قلندر زپہلے،اسلام آباد یونائیٹڈ دوسرے،کراچی کنگز رتیسرے اور کوئٹہ گلیڈی ایٹرز آخری نمبر پر موجود ہے۔