گوجرانوالہ‘ 6 سالہ بچے کے کان  میں ہم عمر نے کیل ٹھونک دیا

گوجرانوالہ (نمائندہ خصوصی) محلے دار ہم عمر ملزم نے کمسن بچے کے کان میں کیل ٹھونک دیا ، دیوار میں سر لگنے سے ہڈی ٹوٹ گئی۔ فردوس کالونی کے رہائشی بابر رئوف کا چھ سالہ بیٹا ارشمان کھیلنے کیلئے نکلا مگر گھر واپس نہ آیا، جس پر ورثاء نے اسکی تلاش شروع کر دی اس دوران انہیں معلوم ہوا کہ بچے کو ریسکیو اہلکار وں نے طبی امداد کی فراہمی کیلئے ڈسٹرکٹ ہسپتال منتقل کیا ہے، جہاں وہ چند روز زیر علاج رہنے کے بعد ہوش میں آیا تو اس نے بتایا کہ محلے دار پٹھانوں کے بچے نے اسے دھکا دیا جس سے اس کا سر دیوار میں لگنے سے وہ بیہوش ہو گیا۔ متاثرہ بچے کے والد کا الزام ہے کہ اس کے بیٹے کی سر کی ہڈی ٹوٹ گئی ہے۔ اس کے دائیں کان میں لوہے کا کیل بھی ٹھونکا گیا ہے تاہم اروپ پولیس نے مقدمہ درج کر لیا ہے۔