ففٹی ففٹی ہوں،اعظم خان کی  اننگز پر خوشی اور غمی کے حوالے  سے سوال پر معین خان کا رد عمل 

کراچی (این این آئی)ایچ بی ایل پی ایس ایل (پاکستان سپر لیگ) میں اسلام آباد یونائیٹڈ کی جانب سے کھیلنے والے بیٹر اعظم خان کی کوئٹہ گلیڈی ایٹرز کے خلاف اننگز پر ان کے والد معین خان نے خوشی اور غمی کے حوالے سے سوال پر کہاہے کہ ففٹی ففٹی ہوں۔پی ایس ایل کے آٹھویں سیزن کے تیرہویں میچ میں اعظم خان نے کوئٹہ گلیڈی ایٹرز کے خلاف 8 چھکوں اور 9 چوکوں کی مدد سے 42 گیندوں پر 97 رنز کی شاندار اننگز کھیلی تاہم میچ کے اختتام پر شاداب اور اعظم خان جب گراؤنڈ سے نکلے تو سامنے معین خان کھڑے تھے جو ان دونوں کی جانب بڑھے۔شاداب نے کوئٹہ گلیڈی ایٹرز کے معین خان سے سوال کیا کہ معین بھائی آپ خوش ہیں یا غم میں ہیں؟جواب میں سابق کرکٹر نے کہا کہ ففٹی ففٹی ہوں، شاداب نے کہا نہیں آپ ففٹی ففٹی نہیں ہوسکتے، مجھے لگتا ہے آپ 70 اور 30 ہیں۔شاداب نے کہا کہ مجھے لگتا ہے آپ 70 فیصد بیٹے کی پرفارمنس کے باعث خوش ہیں۔اس سے قبل اعظم نے پریس کانفرنس میں کہا تھا کہ پاکستان میں سابق کرکٹر کا بیٹا ہونا آپ کیلئے بڑی مشکل بن جاتا ہے، والد نے پہلے ہی بتا دیا تھا کہ تنقید ہوگی تاہم فوکس کارکردگی پر رکھنا ہے۔انہوںنے کہاکہ میرے رول ماڈل میرے والد ہی ہیں، آج کی اننگز اپنی والدہ کے نام کروں گا، والدہ میچ دیکھنے آئی ہوئی تھیں، جب والد اور والدہ میچ دیکھنے آئے ہوں تو پریشر ہوتا ہے۔