لاہور(سپورٹس رپورٹر) پاکستان کیچ بال فیڈریشن کے زیراہتمام اور سندھ کیچ بال ایسوسی ایشن کے تعاون سے پہلا کیچ بال گرلز انڈر19  ٹورنامنٹ کراچی میں شروع ہو گیا ہے ۔افتتاحی تقریب کے مہمانان خصوصی پاکستان کیچ بال فیڈریشن کے صدر مقبول آرائیں اور سندھ کیچ بال ایسوسی ایشن کے صدر رضوان قریشی تھے۔ میچوں کے نتائج کے مطابق سٹی سکول گلشن اے لیول نے سٹی نارتھ ناظم آباد کو 0-2 سیٹ سے شکست دی۔ سٹی سکول ڈی کے کیمپس فور نے دی سکول ڈیفنس کیمپس تھری کو1-2 سیٹ سے ہرا دیا۔ شاہولیت کیمپس الیون نے دی سٹی گلشن کو 0-2  سے ہرا شکست دی۔