دربار مخدوم سید اقبال حسین شمسی کی تزئین آرائش کی جائے: طالب پرواز‘ سید عباس شمسی 

ملتان (     سماجی رپور ٹر       ) تحفظ عزاداری امام حسینؓ کونسل کے مرکزی سیکریٹری جنرل سید طالب حسین پرواز، دربار عالیہ حضرت مخدوم بالے شاہ ؒکے  سجادہ نشین مخدوم سیدمحمد عباس شمسی نے کہا ہے کہ حکومتی بے حسی کے باعث 135سال سے قائم خستہ حالی کا شکار دربار عالیہ حضرت مخدوم سید اقبال حسین شمسیؒالمعروف مخدوم سید بالے شاہ کی تزئین و آرائش کی طرف توجہ نہ دینا افسوسناک اقدام ہے جس کی تزئین و آرائش و تعمیر کے سلسلے میں ترجیحی بنیادوں پر اقدامات کئے جانے چاہئیں مخدوم بالے شاہ ؒنے دین اسلام کی تبلیغ کے لئے اپنی ساری زندگی صرف کردی۔ان خیالات کا اظہار انہوں نے سالانہ ایک روزہ عرس کی تقریب سے خطاب کے دوران کیا ۔تقریب میں مخدوم سید مشاہد عباس شمسی، مخدوم سید ظہور حسین شمسی، مخدوم زادہ سیدرضاعباس شمسی‘سید خضرعباس شمسی‘ساجدجمیل‘سیداسد علی شمسی مخدوم سیدوسیم عباس شمسی اصغرعلی قریشی ہاشمی‘محمدعباس ہاشمی ودیگر نے شرکت کی۔