پڈعیدن ، پولیس کا جرائم پیشہ کیخلاف آپریشن ،10 گرفتار 

پڈعیدن (نامہ نگار) نواحی علاقوں میں پولیس کا جرائم پیشہ عناصر کے خلاف کریک ڈاؤن جاری،10 ملزمان گرفتار، اسلحہ برآمد۔تفصیلات کے مطابق نواحی علاقہ مورو تھانہ کی پولیس نے کاروائی کرکے، ڈکیتی کے ارادے سے کھڑے ملزم کو مقابلہ کے بعد اسلحہ سمیت گرفتار کرلیا،گرفتار ملزم عرفان ولد رانو خان کے قبضے سے بغیر لائسنس پسٹل برآمد کرکے، مقدمات درج کرلیے گئے جب کہ گرفتار مذکورہ ملزم مورو تھانہ کے چوری اور ارادہ قتل کے دو الگ الگ مقدمات میں مطلوب بھی تھا،دریاہ خان مری پولیس نے کاروائی کرکے ڈکیتی کے ارادے سے کھڑے ملزم کو اسلحہ سمیت گرفتار کرلیا،گرفتار ملزم زبیر احمد مری کے قبضے سے بغیر لاِئسنس پسٹل برآمد کرکے، سندہ آرمس ایکٹ کے تحت مقدمہ درج کرلیا گیا،کنڈیارو تھانہ کی پولیس نے جوا کے اڈے پر کارروائی کرکے، 08 جواریوں کو گرفتار کرلیا،گرفتار ملزمان زاکر حسین ملاح، نذیر منگریو، سمیع اللہ اجن، عاشق ملاح، راحب ملاح، مسعود ملاح، تنویر ملاح اور سجاد ملاح کے قبضے سے تاش کے پتے، پلیکارڈس، جوا میں استعمال ہونے والی کیش رقوم اور موبائل فونز برآمد ، جوا، گیمبلنگ ایکٹ کے تحت مقدمہ درج کرلیا گیا،سدھوجا پولیس نے مخفی اطلاع پہ کاروائی کرکے، چوری شدہ الٹو کار برآمد،برآمد شدہ کار تصدیق کے بعد اصلی مالک پیر بخش کھوسو کے حوالے کی گئی،نوشھروفیروز سٹی پولیس نے کاروائی کے دوران چوری شدہ موٹرسائیکل برآمد  کرلی،برآمد شدہ موٹرسائیکل تصدیق کے بعد اصلی مالک عبدالستار عباسی کے حوالے کی گئی۔