نواب شاہ (بیورورپورٹ) نواب شاہ کے علاقے قاض احمد کے گاؤں سومر چانڈیو میں نوجوان کی درخت سے پھندا لگی لاش برآمد ہوئی ہے۔ تفصیلات کے مطابق ورثاء کے اطلاع دینے پر پولیس نے لاش تحویل میں لے کر پوسٹ مارٹم کے لیے لاش سول اسپتال قاضی احمد منتقل کر دی،جاں بحق نوجوان سردار چانڈیو کی والدہ رانی چانڈیو  نے میڈیا کو بتایا ہے کہ اس کے بیٹے کو کسی نے نشہ دیکر قتل کر کے لاش درخت میں لٹکا کر خودکشی کا رنگ دینے کی کوشش کی ہمیں انصاف فراہم کیا جائے دوسری جانب پولیس کا کہنا ہے کہ نوجوان کی ہلاکت کا مقدمہ ورثاء کے آنے پر درج کیا جائے گا۔