سکھر(بیورو رپورٹ) باگڑجی کچے کے علاقے میں دو گروپ میں جھگڑے کے دوران فائرنگ کا تبادلہ چار افراد جاں بحق، ایک زخمی ہائی اسکول کے درجنوں بچے اسکول میں محصور پولیس نے بچوں کو باحفاظت نکال لیا ،علاقے کی صورتحال کنٹرول میں ہے ، پولیس کا دعویٰ ، تفصیلات کے مطابق باگڑجی کچے کے گائوں میں مہر برادری اور گھمرو برادری کے دو گروہوں میں زمینی تنازعے پر جھگڑے کے دوران فائرنگ کا تبادلہ ہو ا جس کے نتیجے میں گھمرو برادری کے چار افراد جاں بحق جبکہ  ایک راہگیرگولی لگنے سے زخمی ہوگیا ،واقعے کے بعد دونوں برادریوں  کے درمیان شدید فائرنگ کا سلسلہ جاری رہا ،  فائرنگ کی زد میں آکر گائوں کے ہائی اسکول کے درجنوں بچے محصور ہوگئے، اطلاع ملنے پر پولیس نے جائے وقوعہ پر پہنچ کر صورتحال کو کنٹرول کرنے کیلئے حکمت عملی تیار کی اور ڈی ایس پی و  مختلف تھانوں کی پولیس نے بکتر بند گاڑیوں کی مدد سے بچوں کو محفوظ مقام پر منتقل کیاپولیس کے مطابق جانبحق ہونے والے والوں میں 30 سالہ عرس، 17 سالہ محمد رمضان اور 22 سالہ ناصر حسین گھمروو دیگر شامل ہیں جبکہ ایک راہگیر بھی زخمی ہو ا ہے ، زخمیوں اور نعشوں کو سول اسپتال روانہ کر دیا گیا ہے پولیس کے مطابق دونوں برادریوں کے درمیان مختلف اوقات میں جھگڑے کے دوران سات افراد ہلاک ہوچکے ہیں ۔