بلوچستان کے ضلع بارکھان میں دھماکے سے 4 افراد جاں بحق، جب کہ 8 سے زائد زخمی ہوگئے۔ لاشوں کو ضروری کارروائی، جب کہ زخمیوں کو فوری طبی امداد کیلئے اسپتال منتقل کردیا گیا ہے۔حکام کے مطابق دھماکا بارکھان کے رکنی بازارا میں صبح کے اوقات میں ہوا، جب لوگ خریداری کیلئے جائے وقوع پر موجود تھے۔دھماکے سے چار افراد موقع پر ہی جاں بحق ہوگئے۔ مقامی افراد نے اپنی مدد آپ کے تحت لاشوں کو زخمیوں کو فوری طور پر اسپتال منتقل کیا۔دھماکے سے متعلق موصول ویڈیو اور تصاویر میں دیکھا جا سکتا ہے کہ دھماکے کے بعد بازار میں موجود ریڑیاں اور دکانیں متاثر ہوئی ہیں۔ عینی شاہدین کا کہنا ہے کہ بظاہر لگتا ہے کہ دھماکا خیز مواد موٹر سائیکل میں نصب کیا گیا تھا۔