اسرائیل کااونروا کے تھیلوں سے  مارٹر گولے برآمد کرنے کا دعوی

تل ابیب(این این آئی)اسرائیلی فوج نے دعوی کیا ہے کہ اقوام متحدہ کی ریلیف اینڈ ورکس ایجنسی برائے فلسطینی پناہ گزین اونرواکے تھیلوں کے اندر سے مارٹر گولے ملے ہیں۔غیرملکی خبررساں ادارے کے مطابق اسرائیلی فوج کے ترجمان اویچائی ادرعی نے ایکس پلیٹ فارم پر اپنے سرکاری اکائونٹ پر ایک ٹویٹ میں کہا کہ غزہ میں تلاشی کے عمل کے دوران کئی عمارتوں میں تلاشی لی گئی جنہیں حماس نے ایک جنگی کمپلیکس میں تبدیل کر دیا تھا۔اس دوران فوجیوں کو بین الاقوامی ایجنسی اونراکے تھیلوں کے اندر سے مارٹر گولے اور گولہ بارود ملا۔ایک ویڈیو کلپ اسرائیلی فوج کے ارکان کو مارٹر گولوں کے تھیلے خالی کرتے ہوئے دکھایا گیا جن کے اندر سے گولہ بارود ملا ہے۔