سندھ، سجاول میں 3 قیدی سب جیل توڑ کر فرار، عملہ معطل

کراچی (نوائے وقت رپورٹ) سندھ کے ضلع سجاول میں سب جیل سے تین قیدی بیرک کی کھڑکی توڑ کر فرار ہوگئے جب کہ سینئر سپرنٹنڈنٹ پولیس (ایس ایس پی) سجاول نے نوٹس لیتے ہوئے ڈیوٹی پر مامور عملے کو معطل کردیا۔ جیل انتظامیہ کے مطابق فرار ہونے والے منشیات اور چوری کے مقدمات میں قید کاٹ رہے تھے۔ جیل انتظامیہ نے بیرکوں کا جائزہ لیا تو قیدی غائب پائے گئے۔ فرار قیدیوں کی گرفتاری کے لیے علاقے کی ناکہ بندی کر دی گئی ہے۔