فیصل آباد (نمائندہ خصوصی) فیصل آباد انٹرنیشنل ائیرپورٹ سے بحرین جانیوالی پرواز سے منشیات سمگلر کرنے والا نوجوان پکڑا گیا۔ ائیرپورٹ سکیورٹی فورس نے لاکھوں روپے مالیت کی آئس اور ہیروئن برآمد کر کے مسافر کو اینٹی نارکوٹیکس فورس کے حوالے کر دیا۔  گزشتہ شب ائیرپورٹ سکیورٹی فورس نے بحرین جانے والی پرواز کے مسافروں کی چیکنگ کے دوران مشکوک نوجوان انس کے سامان کی تلاشی لی تو بیگ کے خفیہ خانوں میں چھپائی دو کلو کے لگ بھگ آئس اور ہیروئن برآمد کر کے ملزم انس کو حراست میں لیکر اے این ایف کے سپرد کر دیا۔