قصور:مختلف وارداتیں،شہری نقدی اورقیمتی سامان سے محروم 

قصور(نمائندہ نوائے وقت) قصوروگردنواح میں  مختلف وارداتوں میں لاکھوں روپے، زیوارات ، رکشہ، موٹر سائیکلز،موبائل فونزودیگر قیمتی سامان سے محروم کردیا۔ فتح پور  کے قریب 2 ڈاکوؤں نے اسلحہ کی نوک پر60ہزار روپے،موبائل فون و دیگر سامان لوٹ لیا ہے۔تھانہ الہ آباد کی حدود میں  اسلحہ کے زور پرموٹر سائیکل ، نقدی ، 5 تولہ طلائی زیوراتو دیگر قیمتی سامان لوٹ کر لے گئے ہیں۔تھانہ مصطفی آبادمیں محمد وسیم اور عمران یٰسین نے اطلاع دی ہے کہ وڈانہ سٹاپ کے قریب دوڈاکوؤں نے موٹر سائیکل،کیش رقم و دیگر سامان لوٹ لیا ہے ۔ تھانہ کنگن پور میں محمد اکرام نے اطلاع دی ہے کہ ٹھٹھی ہندواں میرے گھر سے چند کس نے اسلحہ کے زور پر دولاکھ روپے کیش رقم،5تولہ چاندی اور 1تولہ سونا طلائی زیورات لوٹ کر لے گئے ہیں۔