آخری سانس تک عمران کے شانہ بشانہ کھڑا رہوں گا: چوہدری احسان

گوجرانوالہ (نمائندہ خصوصی)رہنما تحریک انصاف اور نومنتخب ایم این اے چوہدری احسان اللہ ورک نے کہا ہے کہ آخری سانس تک عمران خان کے شانہ بشانہ کھڑا رہوں گا ۔میری سیٹ انکی کی امانت ہے حلقہ کی عوام نے جو مجھ پر اعتماد کا اظہار کیا ہے میں ہمیشہ مشکور رہونگا۔ کارکنان اور عوام کو کبھی مایوس نہیں کرینگے ۔ انتخابات میں میری کامیابی کا سہرا عمران خان کے ویژن اور شعور کو جاتا ہے جب تک میرے جسم میں جان ہے عمران خان کے نظریے کے ساتھ کھڑا ہوں۔ عمران خان کی سب سے بڑی کامیابی یہ ہے کہ انہوں نے پاکستانی قوم کو شعور دیا، سوچ دی، حوصلہ دیا کہ وہ اپنے حقوق کیلئے کھڑے ہوں۔8فروری کو قوم نے ثابت کیا کہ عمران خان کی 27سالہ جدوجہد اور قربانی رائیگاں نہیں گئی۔ یہ ڈاکہ زدہ حکومت نہیں چلے گی اسی وقت سیاسی استحکام آئے گا جب عوام کا مینڈیٹ تسلیم کیا جائے گا۔ پاکستان کی تاریخ کا سب سے بڑا دھاندلہ ہوا ہے جب تک حقیقی جمہوریت نہیں آئیگی تب تک ملک آگے نہیں بڑھ سکتا۔