گوجرانوالہ (نمائندہ خصوصی)پنجاب کونسل آف دی آرٹس محکمہ اطلاعات و ثقافت حکومت پنجاب کے زیر اہتمام پہلے پنجاب مصوری مقابلہ 2024 کا شیڈول جاری کر دیا گیا۔جس کے مطابق ضلع کی سطح پر یہ مقابلے 26 فروری 2024 سے ضلع نارووال سے شروع ہوں گے۔27 فروری کو سیالکوٹ،28 فروری کو گجرات،29 فروری کو منڈی بہاؤ الدین،یکم مارچ کو گوجرانولہ جبکہ 2 مارچ کو حافظ آباد میں مقابلہ مصوری منعقد ہو گا۔ضلع کی سطح پر کامیاب ہونے والے ڈویژن کی سطح پر ہونے والے مقابلے میں شرکت کریں گے۔ مقابلہ میں شرکت کی عمر 16 سال سے 35 سال کے درمیان ہے۔