خانقاہ ڈوگراں(نامہ نگار+نمائندہ خصوصی) سیاسی وسماجی شخصیت رہنمامسلم لیگ(ن)مجتبیٰ جمال نے ڈپٹی ڈسٹرکٹ آفیسر تحصیل صفدرآبادسے گفتگو کرتے ہوئے کہاخانقاہ ڈوگراں رورل ہیلتھ سنٹر کو ہسپتال بنانے کیلئے درخواست باقاعدہ طور پر سیکرٹری صحت پنجاب کو بھیج دی گئی ہے جس کے لئے مکمل کوشش ہو رہی ہے، اس مشن کو جلد از جلد مکمل کیا جائے گا۔ مجتبیٰ جمال نے مزید کہا کہ میری سیاست کا مقصد تحصیل صفدرآباد کی عوام کی خدمت اور بلخصوص صحت اور تعلیم کے نظام کو بہتر بنانا ہے وفاق اور پنجاب میں مسلم لیگ (ن) کی حکومت بننے سے تحصیل صفدرآباد کے مسائل ترجیحی بنیادوں پر حل ہوں گے تحصیل صفدرآباد میں ہسپتالوں اور سکول کالجزز کی بہتری اور ان کو اپ گریڈ کرنے کیلئے تمام وسائل بروئے کار لائیں جائیں میرے خواہش ہے تحصیل صفدرآباد ایک ماڈل تحصیل بنے۔