موڑکھنڈا (نامہ نگار) کرمانی ویلفیئر فاؤنڈیشن موڑکھنڈا کے زیر اہتمام ادبی بیٹھک کا انعقاد کیا گیا جس میں پنجابی مشاعرہ اورکتاب کی تقریب رونمائی ہوئی جس کی صدارت سید اظہر حسین بخاری نے کی، مہمانان خصوصی ملک محمد ساجد چیئرمین کرمانی فاؤنڈیشن، وقار علی گھگ صدر فاؤنڈیشن،معروف ماہر تعلیم عابد حسین گل،معروف شاعر و ادیب رائے محمد خان ناصر تھے ۔ مقامی شعرا محمد عمران سحر کی کتاب( چپ تے میں )اوررنگ الٰہی رنگ کی کتاب ( دل دا ویہڑا ) کی رونمائی کی گئی ۔ تقریب میں مہمان شعراء محمد یاسین یاس،حافظ محمد صادق فدا،راشد علی اعلی ودیگر نے اپناکلام پیش کیا۔تقریب میں صدر پریس کلب چودھری غلام رسول نواز،سی ای او صارم نشریات رستم حماد صارم ، مہر احمد علی پڈھیار ، تنویر عباس اعوان و دیگر نے شرکت کی۔