ڈچ ہاکی کلب دورہ پاکستان کے بعد وطن واپس پہنچ گیا 

لاہور(سپورٹس رپورٹر)پاکستان کے کامیاب دورے کے بعد ڈچ ہاکی کلب بل ای وطن واپس پہنچ گیا۔ڈائریکٹر سپورٹس ہائر ایجوکیشن کمشن جاوید میمن نے ہالینڈہاکی کلب ٹیم کے دورہ پاکستان کو بارش کا پہلا قطرہ اورامید کی ایک کرن قرار دیدیا۔ ایچ ای سی ٹیم بھی اگست میں ہالینڈ کا دورہ کرنے جائیگی۔بائیس سال بعد کسی بھی یورپین ہاکی ٹیم کا آنا زوال پذیر اور مردہ قومی کھیل ہاکی کی ترقی اور پاکستان کے امیج کو بہتر بنانے میں اہم کردار ادا کریگا۔ ہالینڈ کے کلب ٹیم کا جس طرح پاکستان  میں استقبال کیا گیا۔ بہترین میزبانی کیساتھ جو عزت اور محبت دی اس پر ڈچ ٹیم بہت خوش تھی اور انہوں نے پاکستانیوں کی بہترین میزبانی پر شکریہ ادا کیا۔اس دورہ سے نہ صرف پاکستان کی ہاکی میں بہتری آئیگی بلکہ ملکی سوفٹ امیج بھی دنیا بھر میں بہتر ہوگا کہ پاکستان  ایک پرامن ملک اور ہاکی سے محبت کرنے والی قوم ہے۔ہالینڈ کی ہاکی کلب ٹیم کے کامیاب دورہ پاکستان سے ملک کا بہترین امیج سامنے آیا ہے۔