پاکستان میں فاسٹ بائولنگ کا زبردست ٹیلنٹ موجود : ٹمال ملز

لاہور(سپورٹس رپورٹر)اسلام آباد یونائیٹڈ کے فاسٹ بائولر ٹمال ملز نے کہا ہے کہ پاکستان میں فاسٹ بائولنگ کا زبردست ٹیلنٹ موجود ہے۔ ایک بار پھر پاکستان سپر لیگ کیلئے آنے پر خوش ہوں۔ پی ایس ایل کا معیار دنیا کی ٹاپ لیگز میں سے ہے۔ جب سے لیگ پاکستان واپس آئی ہے اس کا معیار اور بہتر ہوا ہے، پی ایس ایل کے اس ایڈیشن میں اب تک کافی دلچسپ میچز دیکھنے کو ملے ہیں۔ پاکستان میں فاسٹ بائولنگ کا زبردست ٹیلنٹ موجود ہے۔ نسیم شاہ کے دونوں بھائی عبید اور حنین میں زبردست ٹیلنٹ ہے۔ پی ایس ایل جیتنے کیساتھ نوجوان کرکٹرز کو بھی کچھ دے کر جانا چاہتا ہوں۔ ایک بار پھر انگلش ٹیم میں واپسی کیلئے پْرامید ہوں۔ دسمبر میں سیریز کھیلی، امید ہے ورلڈ کپ کیلئے جگہ بنالوں گا۔ کوشش ہوگی کہ پی ایس ایل اور دیگر لیگز میں بہترین پرفارمنس دے کر سلیکٹرز کو متوجہ کروں۔ ہر لیگ کی ساکھ کو بچانے کیلئے پلیئرز دستیابی پر قانونی سازی کی جاسکتی ہے۔