لاہور(نامہ نگار)ہربنس پورہ کے علاقے میں ٹریفک حادثے میں 14سالہ لڑکا جاں بحق ہو گیا ہے۔ ہربنس پورہ کے علاقے میں رنگ روڈ انٹرچینج کے قریب ٹریفک حادثے میں 14سالہ لڑکا ریحان صابر جاں بحق ہو گیا ہے۔عینی شاہدین کے مطابق لڑکا کرکٹ گیند پکڑتے ہوئے تیز رفتار کار کی زد میں آنے سے موقع پر جاں بحق ہو گیا جبکہ کار سوار موقع سے فرار ہو گیا ہے۔اطلاع ملنے پر پولیس نے موقع پر پہنچ کر لاش قبضے میں لے کر پوسٹ مارٹم کے لئے مردہ خانے منتقل کر کے تفتیش شروع کردی ہے۔