کوئنزٹاون نیوزی لینڈ میں دوسرا ایک روزہ میچ خراب موسم اور بارش کی وجہ سے پہلےآدھا گھنٹہ تاخیر سے شروع ہوا۔ میچ اڑتالیس اوورز پر مشتمل کر دیا گیا۔ ٹاس ہارنے کے بعد مشکل کنڈیشنز میں پاکستانی اوپنرز نے بہتر آغاز فراہم کیا۔ پانچویں اوور میں بارش کی وجہ سے جب دوبارہ میچ رکا تو پاکستان نے بغیر کسی نقصان کے اکتیس رنز بنا لئے تھے۔ احمد شہزاد پچیس اور محمد حفیظ چار رنز پر ناٹ آؤٹ تھے۔ بالآخر تیز بارش اور خراب موسم کے باعث میچ چارگھنٹے تاخیر کے بعد منسوخ کردیا گیا۔ دونوں ٹیموں کے درمیان چھ میچز پر مشتمل سیریز کا تیسرا ون ڈے میچ انتیس جنوری کو کرائس چرچ میں کھہلا جائےگا۔