لاہور، سانگلہ ہل، فیروز والا (نامہ نگار + نمائندگان) لاہور کے مختلف علاقوں میں ڈکیتی، چوری کی 17 وارداتوں میں 61 لاکھ روپے کا مال لوٹ لیا۔ڈاکوؤں نے چوہنگ میں ازمیر ٹائون کے اکبر علی کے گھر گھس کر اہلخانہ کو گن پوائنٹ پر یرغمال بناکر11 لاکھ روپے، لوئر مال مجاہد روڈ پررحیم خان کے گھر سے8لاکھ روپے، لٹن روڈ فصیح روڈ کے پرویزکے گھر سے7لاکھ روپے، نواں کوٹ حاجی پارک کے طارق کے گھر سے6 لاکھ روپے، سٹی رائیونڈ میں رائیونڈروڈ کے منیر فیصل کے گھر سے5لاکھ روپے، ہربنس پو رہ کینال روڈ بینک ہاوٗسنگ سکیم کے اسلام رسول کے گھر سے 4لاکھ روپے جبکہ اسلام پورہ میں آسیہ سے 2لاکھ روپے مالیت کی نقدی، طلائی زیورات،موبائل فون اور دیگر سامان لوٹ لیا ہے۔ ڈاکوؤں نے رائیونڈ میں فیصل سے 4لاکھ 75ہزارروپے، شالیمار میں عمران خان سے 3لاکھ 55 ہزارروپے،جوہر ٹائون میں منور سے 1لاکھ 2ہزار، گلبرگ میںحارث سے 50 ہزار، داتا دربار میں مہران سے 24ہزار، راوی روڈ میں عنایت سے 25 ہزار، موٹر سائیکل اور موبائل فون، سمن آباد میں جاوید سے 45ہزار، نشتر کالونی میں عمر سے 30ہزار روپے اور موبائل فون لوٹ لیا ہے۔چوروں نے کوٹ لکھپت میں ایک دکان سے 7لاکھ رروپے جبکہ گڑھی شاہو میں ایک گھر سے3لاکھ روپے کا سامان چوری کر لیا ہے۔چوروں نے گرین ٹاؤن سے خرم،مصطفی ٹائون سے قدیر کی گاڑیاں،اسلام پورہ سے ارشد، شاد باغ ے عدنان، نواں کوٹ سے نبیل، مسلم ٹائون سے ماجد، ٹائون شپ سے اعجاز، سبز ہ زار سے اسلام دین، شادمان سے حسن، کاہنہ سے محمود،مزنگ سے زوہیب، شاہدرہ سے عابد،نشتر کالونی سے ساجد کی موٹر سائیکلیں چوری کر لیں۔ سانگلاہل سے نمائندہ نوائے وقت کے مطابق مقامی محلہ مسلم ٹائون میں دن دیہاڑے2نقاب پوش ڈاکوئوں نے قالینوں کے تاجر محمد سعید ملک سے گن پوائنٹ پر10لاکھ روپے لوٹ لئے اور فرار ہو گئے۔ مسلم ٹائون کا سعید ملک لاہور سے فیصل آباد والی ٹرین پر10 لاکھ روپے لے کر آرہاتھا،وہ10.30بجے ٹرین سے اتر کر اپنے گھر کو چل دیا، چند قدم پر موٹر سائیکل سوار ڈاکوئوں نے اسکے پائوں میں فائر کیا اور جان سے مار دینے کی دھمکی دے کر رقم لوٹ کر فرار ہوگئے۔ فیروز والا سے نامہ نگار کے مطابق جی ٹی روڈ پر ماڑی چیلاں کے قریب ڈاکوئوں نے ناکہ لگاکر متعدد گاڑیوں کو روک کر لوٹ مار کی۔ اس دوران ڈاکوئوں نے فیصل آباد کی کار سوار فیملی غلام بادی کو روک کر زیورات، نقدی لوٹ لی۔ کھٹیالہ ورکاں کے قریب ڈاکوئوں نے بشارت سے 44 ہزار، موبائل چھین لیا۔ چو روں نے عرفان کی دکان کے تالے توڑ کر موبائل فونز، نقدی اور سامان چوری کرلیا۔ جی ٹی روڈ مریدکے، نیوسبزی منڈی میں گھس کر آڑھتیوں اور خریداروں کو لوٹ لیا۔ ڈاکو نقدی، موبائل چھین کر لے گئے۔ شہریوں اور آڑھتیوں نے پولیس رویہ پر احتجاج کیا۔