کراچی(پ ر) بحریہ ٹاﺅن کی جانب سے زیر تعمیر62سٹوری بحریہ آئیکون بلڈنگ کراچی پر گزشتہ روز آتشبازی کا شاندار مظاہرہ کیا گیا ۔ اس موقع پر ہزاروں اہلیان شہر نے شرکت کی اور خوب محظوظ ہوئے۔ آتشبازی کا مظاہرہ دیکھنے کے لئے کراچی کے عوام صبح سے ہی ٹولیوں کی صورت میں بلڈنگ کے قریب وجوار میں جمع ہونا شروع ہو گئے تھے۔آتشبازی کا مظاہرہ شب 11:30پر شروع ہوا جو رات گئے تک جاری رہا۔ بحریہ آئیکون کراچی کی بکنگ کا گزشتہ ہفتے آغاز کیا گیا تھا جس دوران محض 2روز کے قلیل وقت میں ہی اپارٹمنٹس ٹاور مکمل طور پر بک ہو گیا تھا۔ بحریہ آئیکون کی بکنگ کو ہائی رائز بلڈ نگز کی ملکی تاریخ کی سب سے کامیاب بکنگ بھی قرار دیا جا رہا ہے۔