پی سی بی انڈر 16 پٹینگولر ٹی ٹونٹی ٹورنامنٹ، سندھ اور بلوچستان کی فتح

لاہور(اسپورٹس رپورٹر) پیپسی پی سی بی انڈر 16 پٹینگولر ٹی ٹونٹی ٹورنامنٹ میں لاہور میں کھیلے جانے والے دو میچز میں سندھ اور بلوچستان کی ٹیموں نے اپنے اپنے میچز جیت لیے۔ قذافی سٹیڈیم لاہور میں سندھ نے پنجاب کو 74 رنز سے شکست دی۔ سندھ انڈر 16 ٹیم نے 8 وکٹوں پر 158 رنز بنائے۔ مبشر نواز نے 65 اور سلمان خان نے 33 نمایاں رنز بنائے۔ سلمان ریاض نے تین، عمر ایمان اور کبیر خان نے دو دو کھلاڑیوں کو آوٹ کیا۔ جواب میں پنجاب 84 رنز بناسکی۔ عمر ایمان نے 18 اور خلیل الرحمان نے 16 رنز بنائے۔ علیان محمود نے پانچ اور سائم ایوب نے دو کھلاڑیوں کو آوٹ کیا۔ ایل سی سی اے گراونڈ میں کھیلے جانے والے میچ میں بلوچستان نے کے پی کے انڈر 16 کو 18 رنز سے شکست دی۔ بلوچستان نے 3 وکٹوں کے نقصان پر 131 رنز بنائے۔ محمد عمار نے 36 ناٹ آوٹ، یاسر خان نے 31 نمایاں رنز بنائے۔ حارث خان نے دو عثمان شاہ نے ایک کھلاڑی کو آوٹ کیا۔ خیبر پی کے 9 وکٹوں کے نقصان پر 113 رنز بنا سکی۔ حارث خان نے ناقابل شکست 46 رنز بنائے لیکن اپنی ٹیم کو کامیابی نہ دلا سکے۔