لاہور (کلچرل رپورٹر) انٹرنیشنل ویمن کلب بنکاک کی جانب سے معروف گلوکار عدیل برکی کیلئے سال کا بہترین غزل گائیکی کے ایوارڈ کا اعلان کیا گیا جو انہیں مارچ میں بنکاک میں منعقدہ تقریب میں دیا جائے گا۔ عدیل برکی نے گزشتہ دنوں انٹرنیشنل ویمن کلب بنکاک میں معروف شاعر شفقت اللہ مشتاق کی غزل
مانا کہ عروج پر ہے ستارہ رقیب کا ہم کو بھی مل گیا ہے ہمارے نصیب کا
اپنے اعزاز میں منعقدہ غزل نائٹ میں سنائی تھی جس پر انٹرنیشنل ویمن کلب کی صدر مسز سوچترا لویا نے ان کیلئے سال کے بہترین غزل گائیک کا اعلان کیا جس کیلئے عدیل برکی مارچ میں بنکاک جائیں گے۔
