لاہور(سپورٹس ڈیسک)آئی سی سی انڈر 19 کرکٹ ورلڈ کپ میں افغانستان انڈر 19 کرکٹ ٹیم نیوزی لینڈ کو ہراکرپہلی بارسیمی فائنل میں پہنچ گئی۔ افغانستان نے ٹاس جیت کر 6 وکٹوں پر 309 رنز بنائے۔رحمت اللہ گورباز ، ابراہیم زردان اور بہیر شاہ نصف سنچری بنا کر نمایاں رہے جبکہ عظمت اللہ عمرزئی نے صرف 23 گیندوں کاپر 66 رنز بنا کر آوٹ ہوئے۔ سندیپ پٹیل دو وکٹوں لے کر نمایاں بائولر رہے۔ہدف کے تعاقب میں نیوزی لینڈ کی ٹیم 29 ویں اوور میں 107 رنز پر آوٹ ہو گئی، کے ڈی کلارک 38 رنز بنا کر نمایا رہے۔ مجیب اور قیس احمد نے 4،4 شکار کیے۔افغانستان کا سیمی فائنل میں آسٹریلیا سے مقابلہ ہو گا جبکہ پاکستان پہلے ہی سیمی فائنل کیلئے کوالیفائی کرچکا ہے، جہاں اس کا مقابلہ بھارت یا بنگلہ دیش سے ہوگا۔