رحیم یارخان: شارٹ سرکٹ کے باعث چلتی کار میں اچانک آگ بھڑک اٹھی

رحیم یار خان (نوائے وقت رپورٹ) قومی شاہراہ پر رحیم یار خان کے قریب چلتی کار میں آگ بھڑک اٹھی۔ ترجمان موٹروے پولیس کے مطابق قومی شاہراہ پر رحیم یار خان کے قریب ایک چلتی کار میں شارٹ سرکٹ کے باعث اچانک آگ بھڑک اٹھی۔ حادثہ کے وقت کار کے قریب دو آئل ٹینکر بھی موجود تھے۔ترجمان کا کہنا ہے کہ موٹروے پولیس نے بروقت کارروائی کرکے 4افراد کو کار سے نکال لیا اور آئل ٹینکرز کو دور ہٹا دیا۔