رئیر ایڈمرل عابد حمید نے  پاک بحریہ کے کمانڈر لاجسٹکس کی حیثیت سے چارج سنبھال لیا

اسلام آباد(سٹاف رپورٹر)رئیر ایڈمرل عابد حمید نے پاک بحریہ کے کمانڈر لاجسٹکس کی حیثیت سے چارج سنبھال لیا۔کراچی 25 جنوری 21 : رئیر ایڈمرل عابد حمید نے پاکستان  نیوی ڈاکیارڈ میں منعقدہ تبدیلی کمانڈ کی پروقار تقریب میں پاک بحریہ کی لاجسٹک کمانڈ کا عہدہ سنبھالا۔انہوں نے ریئر ایڈمرل عدنان خالق سے کمانڈ حاصل کی۔ریئر ایڈمرل عابد حمید اب پاک بحریہ کی تمام یونٹس ، جہازوں ، اسٹیبلشمنٹ اور مرمت / بحالی کی یونٹس کے لاجسٹک سپورٹ انچارج ہوں گے۔تقریب کے دوران تعینات ہونے والے کمانڈر لاجسٹکس کو گارڈ آف آنر بھی پیش کیا گیا۔ بعد ازاں ان کی کمانڈ کے ماتحت کام کرنے والی یونٹس کے کمانڈنگ آفیسرز کو کمانڈر لاجسٹکس سے متعارف کروایا گیا۔تقریب میں پاک بحریہ کے افسران ، سیویلینز اور سیلرز کی ایک بڑی تعداد نے شرکت کی۔