ہالینڈ کے متعدد شہروں میں کرونا پابندیوں کے خلاف پر تشدد مظاہرے

دی ہیگ(آئی این پی ) ہالینڈ میں کورونا وائرس کے پھیلا کو روکنے کے لیے نافذ کی گئی نئی پابندیوں اور کرفیو کے فیصلے کے خلاف مظاہرے اور جھگڑے فساد ہوئے ہیں۔ پولیس کے مطابق گزشتہ شب نو بجے کرفیو کے نفاذ سے کچھ دیر قبل کم از کم دس شہروں میں دنگا فساد ہوا۔ مظاہرین نے پولیس اہلکاروں پر پتھراو کیا اور پٹرول بم پھینکے۔ دی ہیگ میں مظاہرین نے گاڑیوں کو بھی آگ لگائی۔ این شِیڈے نامی شہر میں مشتعل افراد نے ایک ہسپتال پر پتھرا وکیا۔ ملک بھر میں 200 سے زائد مظاہرین کو حراست میں لے لیا گیا ہے۔