دریاخان مری ،آتشزدگی اورٹریفک حادثات میںدوبچے جاں بحق

در یا خان مری /پڈعیدن/ہالانی(نامہ نگاران ) در یا خان مری نوشہروفیروز روڈ تیتری اسٹاپ کے قریب اورٹیک کرتے ہوئے تیز  رفتار موٹرسائیکل سامنے  سے آنے والی موٹر سائیکل سے ٹکرا گئی جس کے نتیجے میں در یا خان مری  سے نوشہروفیروز جاتے ہوئے موثر سائیکل سوار گاؤں یعقوب تنیو کے رہائشی خادم حسین تنیو شدید زخمی ہو گیا جبکہ بھریا روڈ پکا چانگ لنک روڈ پر گاؤں پپومجیدانوں کا رہائشی 11سالہ راشد کا بیٹا روڈ کے قریب کھڑا تھا کہ اچانک تیز رفتار ٹریکٹر ٹرالی اس پر چڑھ گئی ، بچہ اسپتال جاتے ہوئے راستے میں دم توڑ گیا،لاش بغیر پوسٹ مارٹم کے ورثاء کے حوالے کردیا جبکہ ٹریکٹر ڈرائیور موقع پا کر موقع سے فرار ہونے میں کامیاب ہو گیا جبکہ نوشہروفیروز کے قریب گاؤں غلام رسول آرائیں میں رحمت اللہ شر کے گھر اچانک آگ بھڑک اٹھی اور دیکھتے ہی دیکھتے آگ نے پورے گھر کو اپنی لپیٹ میں لے لیا آگ کی لپیٹ میں آکر  11 سالہ سلمہ ولد رحمت اللہ شر جل کر جاں بحق  ہو گئی آتشزدگی کی وجہ سے 5 بکریاں اور گھر کا قیمتی سامان جل کر خاکستر ہو گیا۔