مانگا منڈی‘ جوتوں کے گودام میں آتشزدگی‘ لاکھوں مالیت کا سامان خاکستر

لاہور (نامہ نگار)مانگا منڈی کے علاقے میں جوتوں کے گودام میں آتشزدگی کے نتیجے میں لاکھوں روپے مالیت کا سامان جل کر تباہ ہو گیا ہے۔ تفصیلات کے مطابق مانگا منڈی روڈ پر واقع جوتوں کے گودام میں اچانک آگ بھڑک اٹھی۔ اطلاع ملنے پر ریسکیو ٹیموں نے موقع پر پہنچ کر امدادی کارروائی کرتے ہوئے آگ پر قابو پا لیا ہے۔ ریسکیو ذرائع کا کہنا ہے کہ جوتوں کے گودام میں لگنے والی آگ پر قابو پا لیا گیا ہے۔ آگ لگنے کے باعث کوئی جانی نقصان نہیں ہوا۔