لاہور (نامہ نگار) فیکٹری ایریا پولیس نے بدنام زمانہ ریکارڈ یافتہ منشیات فروش سلیم عرف جن کو گرفتار کر کے بڑی مقدار میں منشیات برآمد کرلی۔ ایس پی کینٹ عیسی سکھیرا کا کہنا ہے کہ ملزم کے قبضہ سے 8 کلو چرس اور 4 کلو افیون برآمد کی گئی ہے۔ ملزم گاڑی میں منشیات سپلائی کیلئے لے جا رہا تھا کہ پولیس نے اسے رنگے ہاتھوں گرفتار کرلیا ہے۔ ملزم نے 8 ماہ قبل لوئر مال میں گاڑی کی ٹکر سے کانسٹیبل علی رضا اور ایاز شاہ کو زخمی کیا اور فائرنگ کی تھی۔