ذاتی اہداف سے زیادہ اہم ٹیم کی جیت ہے، سرفراز احمد 

کراچی (اسپورٹس رپورٹر )پاکستان سپر لیگ ٹیم کوئٹہ گلیڈی ایٹرز کے کپتان  سرفراز احمد نے کہا ہے کہ ان کیلئے ذاتی اہداف سے زیادہ اہم ٹیم کی جیت ہے۔ کوشش کریں گے کہ پاکستان سپر لیگ کے ساتویں ایڈیشن میں کوئٹہ گلیڈی ایٹرز کی ٹیم ٹرافی جیتے۔ قومی ٹیم میں کم بیک اور جگہ حاصل کرنے کے لیے ضروری ہے کہ کھلاڑی ڈومیسٹک ٹورنامنٹس میں پرفارم کرے اس لیے پی ایس ایل ان کے لیے اہم ہے اور وہ اس ٹورنامنٹ میں اچھی سے اچھی کارکردگی دکھاکر کوئٹہ کو جتوانے کی پوری کوشش کریں گے، گلیڈی ایٹرز کی ٹیم ٹورنامنٹ جیتنے کا ارادہ لیے ہی میدان میں اتریگی۔ اس بار گلیڈی ایٹرز کی ٹیم بہت بیلنسڈ ہے، ڈرافٹ میں اچھے پلیئرز آئے ہیں ،ٹریڈنگ بھی کافی اچھی ہوئی ہے۔