پنجاب اور سندھ کے میدانی علاقوں میں شدید دھند چھائی رہی ،موٹروے کوکئی مقامات پر بندکرنا پڑا ۔ محکمہ موسمیات کے مطابق پنجاب اور سندھ کے میدانی علاقوںمیں دھند کا راج رہا ،شدیددھند کے باعث ایم 2 لاہور اسلام آباد موٹر وے، ٹھوکر نیاز بیگ سے خانقاہ ڈوگراں انٹرچینج اور ایم 5 ملتان سکھر موٹروے شیر شاہ سے جلال پور تک بند رہی۔ایم 4 عبدالحکیم سے پنڈی بھٹیاں اور ایم 2 مختلف مقامات پر ہیوی ٹریفک کیلئے بند کردی گئی ۔قومی شاہراہ پر بھی حد نگاہ متاثر ہونے کے باعث ٹریفک کی روانی متاثر ہوئی، موٹروے پولیس نے شہریوں کو غیرضروری سفر نہ کرنے کی ہدایت کی ہے۔