انتخابات، 13الیکشن ٹربیونل قائم

کراچی(این این آئی)کراچی حیدرآباد میں بلدیاتی انتخابات کے معاملے پر الیکشن کمیشن نے 13الیکشن ٹربیونل قائم کردیئے ہیں ۔کراچی میں5 الیکشن ٹربیونل قائم کیے گئے ہیں، ڈسٹرک اینڈ سیشن جج ویسٹ، ڈسٹرک ویسٹ اور کیماڑی الیکشن ٹربیونل کے سربراہ ہوں گے، اے ڈی جے ایسٹ ڈسٹرک ایسٹ اور ڈسٹرک کورنگی کے سربراہ ہوں گے۔ڈسڑک اینڈ سیشن جج سائوتھ اور ڈسٹرک اینڈ سیشن جج سینٹرل اپنے اپنے ڈسٹرک کے ٹربیونل کے سربراہ تعینات جبکہ ڈسٹرک اینڈ سیشن جج ملیر ڈسٹرک ملیر اپنے ڈسٹرک کے ٹربیونل کے سربراہ تعینات کیے گئے ہیں۔مذکورہ الیکشن ٹربیونل چیف جسٹس سندھ ہائیکورٹ کی مشاورت سے تعینات کیے گئے ہیں۔ٹربیونل بلدیاتی انتخابات میں ہونے والی بے ظابطگیوں اورخلاف قانون معاملات کو چیلنج کیا جاسکتا ہے، ان ڈسٹرکس میں کسی بھی قسم کی بلدیاتی انتخابات کے حوالے سے سماعت کریں گے ۔