حضرت خواجہ معین الدین چشتیؒ کا 811 واں عرس 29 جنوری کو  شروع ہو گاq

اسلام آباد (نامہ نگار/ خصوصی نامہ نگار) اجمیر شریف میں معروف صوفی بزرگ حضرت خواجہ معین الدین چشتیؒ کا 811 واں عرس 29  جنوری کو شروع ہو گا۔ اجمیر شریف عرس میں شرکت کیلئے 240 پاکستانی زائرین بھارت پہنچ گئے  ہیں۔ وزارت مذہبی امور کے مطابق پاکستانی زائرین واہگہ بارڈر کے راستے بھارت پہنچے۔ رواں سال عرس کی تقریبات میں شرکت کے لئے بھارتی ہائی کمشن میں ویزوں کے اجراء کے لئے 488 پاسپورٹ جمع کرائے گئے تاہم صرف 249 پاکستانی زائرین کو ویزے جاری کئے گئے۔ اس طرح 238 زائرین اجمیر شریف حاضری سے محروم رہ گئے۔ زائرین کی دیکھ بھال کے لئے 6 آفیشلزمیں صرف ایک کو ویزہ جاری کیا گیا۔