لاہور(سپورٹس رپورٹر)سابق آسٹریلوی کپتان ریچل ہینزنے کہا ہے کہ میرے خیال میں آسٹریلیا کا دورہ پاکستان ویمن سکواڈ کیلئے واقعی ایک اچھا امتحان رہا ہے۔انہیں آسٹریلوی حالات میں کھیلتے ہوئے دیکھ کر اچھا لگا، اور مجھے یقین ہے کہ انہوں نے بہت کچھ سیکھا ہوگا۔فاطمہ ثناء کی طرح کچھ پرجوش نوجوان کھلاڑی آئی ہیں اور گیند کے ساتھ ان کی مہارت کو دیکھنا بہت حیرت انگیز تھا۔ میرے خیال میں آسٹریلیا اور پاکستان دونوں کیلئے یہ سیریز ورلڈ کپ کی تیاریوں کیلئے اچھی ثابت ہو گی۔ پاکستان نے پچھلے چھ مہینوں میں ٹی ٹونٹی فارمیٹ میں بہت اچھی کرکٹ کھیلی ہے۔